Insidious: Chapter 3

තමන්ගේ මැරුණු අම්මත් එක්ක කතා කරන්න හදපු පොඩි කෙල්ලෙක්ට අන්තිමට සෙට් වෙන්නේ මාරම භයානක, අද්භූත බලවේගයක්. මේ අහිංසක කෙල්ලව බේරගන්න නම් මැරුණු අය එක්ක කතා කරන්න පුළුවන් සුපිරි බලයක් තියෙන එලිස් රේනියර්ට මැදිහත් වෙන්නම සිද්ධ වෙනවා. හැබැයි එලිස් මේ වැඩේට අත ගහන්න මුලින්ම කැමති වෙන්නේ නැත්තේ එයා දන්නවා මේකෙන් තමන්ගේ පණත් නැති වෙන්න පුළුවන් කියලා. ඒත් අසරණ වුණු ඒ කෙල්ල වෙනුවෙන් එලිස් තමන්ගේ ඇඟ හිරිවැටෙන අත්දැකීමකට මුහුණ දෙන්න සූදානම් වෙලා, "The Further" කියන අඳුරු ආත්ම ලෝකයට ඇතුල් වෙන්න තීරණය කරනවා.

මුළු ඇඟම සීතල වෙලා යන අද්භූත සද්ද, ඇස් පනාපිටම සිද්ධ වෙන පිස්සු හැදෙන හොල්මන් වැඩත් එක්ක මේ කෙල්ලගේ ඇඟ ඇතුලට රිංගන්න හදන ඒ කාලකන්නි යක්ෂයාගෙන් එයාව බේරගන්න එලිස්ට පුළුවන් වෙයිද? ආත්ම ලෝකයේ අඳුරුම කොනක හැංගිලා ඉන්න ඒ මාරයා මේ දෙන්නවම එහේ සදහටම හිර කරලා තියාගනීද, නැත්නම් මුන් දෙන්නටම එතනින් පණ බේරගෙන පැනගන්න පුළුවන් වෙයිද?