Blue Beetle

කොලේජ් එක ඉවර කරලා ලොකු හීන ගොඩක් හිතේ තියාගෙන තමන්ගේ ගෙදරට එන ජේමි රෙයෙස්ට දකින්න ලැබෙන්නේ එයා හිතපු නැති විදිහේ වෙනස් වෙච්ච පරිසරයක්. තමන්ගේ අනාගතය ගැන ලොකු ප්‍රශ්නාර්ථයක ඉන්නකොට තමයි, අහම්බෙන් වගේ ජේමිගේ අතට අමුතුම විදිහේ පිටසක්වල තාක්ෂණයක් තියෙන "ස්කැරබ්" කියන රොබෝ කුරුමිණියෙක් හම්බවෙන්නේ. මේක නිකන්ම සෙල්ලම් බඩුවක් නෙවෙයි, මුළු ඇඟටම සෙට් වෙලා පිස්සු හැදෙන සුපිරි බලයක් දෙන අමුතුම ජාතියේ එකක්.

මේ කුරුමිණියා ජේමිගේ ඇඟත් එක්ක බද්ධ වෙලා එකපාරටම එයාව "බ්ලූ බීට්ල්" කියන සුපිරි වීරයෙක් කරනවා. හැබැයි මේ අතිශය බලගතු තාක්ෂණය තමන්ගේ යටතට ගන්න බලාගෙන ඉන්න දරුණු සතුරෝ කට්ටියක් ජේමිගේ පවුලේ අයටත් ලොකු අනතුරක් කරන්නයි ලෑස්ති වෙන්නේ. ඉතින් මචංලා, මේ අලුත්ම සුපිරි බලය පාලනය කරගෙන තමන්ගේ පවුල බේරගන්න ජේමිට පුළුවන් වෙයිද? මේ පිස්සු හැදෙන සුපිරි සටන කොහොම කෙළවර වෙයිද කියලා දැනගන්න දැන්ම සෙට් වෙන්න.